കഴുകിയുണക്കാനിട്ട
വെള്ള വസ്ത്രങ്ങളിൽ
കറ പോകാതെ
തെളിയുന്ന ഓർമ്മകൾ .
കാറ്റത്ത് തിരശ്ശീലയിളകുമ്പോൾ
അച്ഛൻ കാണുന്നത്
കുഞ്ഞുടുപ്പുകൾ -
രാത്രി ഏറെ വൈകി
അമ്മ കഴുകിയിട്ടത് ..
കുഞ്ഞുടുപ്പുകളുടെ
അളവുകൾ വളർന്നതും
കുഞ്ഞിക്കിളികൾ
കൂട് വിട്ടു പറന്നകന്നതും
പിന്നിടാനുള്ള യാത്രയിൽ
കൂട്ടിൽ തനിച്ചായതും
കണ്ടിരിക്കെ,
ഉച്ചയൂണിൻറെ മണി മുഴങ്ങുമ്പോൾ
ഓർമ്മകളിൽ നിന്ന് ഞെട്ടിയുണർന്ന് ,
ഉറങ്ങാൻ മറന്ന അച്ഛൻ...
- അജി ആലത്ത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ