താഴത്തും കാവ്
ഭഗവതി ക്ഷേത്രത്തിലെ
താലപ്പൊലി മഹോത്സവത്തിന്
അവതരിപ്പിക്കുന്ന
ഗോകുലബാല്യം
നൃത്ത നാടകത്തിലെ
ഉണ്ണിക്കണ്ണൻ,
പൂതനയുടെ അച്ഛൻ
ഡോക്ടർ സത്യപ്രകാശ്
കൊണ്ട് വന്ന
കുർകുറെ പാക്കറ്റ് കണ്ട്
വെള്ളമിറക്കി...
ഒരെണ്ണം പോലും കിട്ടാത്ത
പരിഭവത്തിൽ
കണ്ണന്റെ കണ്ണീർ
മേക്കപ്പ് ഫൌണ്ടേഷനിൽ
സമാന്തരരേഖ വരച്ചു..
ഉത്സവക്കമ്മറ്റിക്കാരുടെ
ഉഴുന്നുവടയും ചായയും
കംസനും കണ്ണൻറെ തോഴിമാരും
പങ്കിട്ടെടുത്തു..
വർണ്ണ ക്കടലാസൊട്ടിച്ച
ഓടക്കുഴൽ വലിച്ചെറിഞ്ഞ്
കണ്ണൻ,
അമ്മയുടെ ഒഴിഞ്ഞ പഴ്സിലെ
അച്ഛൻറെ ഫോട്ടോയോട് പറഞ്ഞു...
'' എനിച്ച് ഡാൻസ് കളിച്ചണ്ടച്ചാ ''
- അജി ആലത്ത്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ